15 مارچ کو چینی وزارت خارجہ کی پریس کانفرنس میں ، پاکستانی صدر آصف علی زرداری کے چینی صدر شی جن پھنگ کو حال ہی میں لکھے گئے ایک خط کا حوالہ دیتے ہوئے سوال کیا گیا کہ پاکستانی صدر نے کہا ہے کہ وہ دونوں ممالک کے سیاسی تعاون کو گہرا کرنے اور مشترکہ مفادات کو فروغ دینے کے لیے صدر شی کے ساتھ مل کر کام کرنے کے لیے پرعزم ہیں۔ اس پر چین کاکیا تبصرہ ہے؟
وزارتِ خارجہ کے ترجمان وانگ وین بین نے کہا کہ ہم صدر زرداری کے مثبت بیان کو سراہتے ہیں ۔ صدر زرداری کے منتخب ہونے کے بعد صدر شی نے انہیں مبارکباد کا پیغام بھیجا جس میں نشاندہی کی گئی کہ چین اور پاکستان اچھے ہمسائے، اچھے دوست، شراکت دار اور اچھے بھائی ہیں۔ دونوں ممالک کے درمیان آہنی دوستی ایک تاریخی انتخاب اور دونوں ممالک کے عوام کا قیمتی سرمایہ ہے۔ صدر زرداری کا جواب ایک بار پھر اعلی سطحی پاک -چین تعلقات کی عکاسی کرتا ہے۔ چین، دونوں ممالک کے درمیان روایتی دوستی ، مختلف شعبوں میں عملی تعاون اور سدا بہار اسٹریٹجک کوآپریٹو پارٹنرشپ کی زیادہ سے زیادہ ترقی کو فروغ دینے اور نئے دور میں چین -پاکستان ہم نصیب معاشرے کی تشکیل کے لیے پاکستان کے ساتھ مل کر کام کرنے کا خواہاں ہے