پاکستانی نژاد حمزہ یوسف سکاٹ لینڈ کے وزیر اعلیٰ منتخب
سکاٹ لینڈ کی حکمران جماعت سکاٹش نیشنل پارٹی نے پاکستانی نژاد حمزہ یوسف کو پارٹی کا نیا سربراہ منتخب کر لیا ہے۔
37 سالہ حمزہ یوسف سکاٹ لینڈ کی فرسٹ منسٹر نکولہ سٹرجن کی جگہ لیں گے جو گزشتہ ماہ آٹھ برس تک ایس این پی کی سربراہ رہنے کے بعد اپنے عہدے سے مستعفی ہو گئی تھیں۔
حمزہ یوسف کا ایس ایم پی لیڈر شپ کے انتخاب میں کیٹ فوربز اور ایش ریگن سے مقابلہ تھا۔
حمزہ یوسف کسی برطانوی حکمران سیاسی جماعت کے پہلے مسلمان اور پاکستانی نژاد لیڈر ہوں گے۔
وہ منگل کو سکاٹ لینڈ کی پارلیمنٹ میں ووٹنگ کے دوران فرسٹ منسٹر منتخب ہو جائیں گے.
حمزہ یوسف پہلی بار 2011 میں 26 سال کی عمر میں گلاسگو سے سکاٹش پارلیمنٹ کے رکن بنے تھے۔ وہ سکاٹش کابینہ میں وزیر صحت، وزیر ٹرانسپورٹ اور وزیر انصاف بھی رہ چکے ہیں۔
حمزہ یوسف کے والد مظفر یوسف کا تعلق پاکستان کے شہر میاں چنوں سے ہے اور وہ 1960 میں سکاٹ لینڈ منتقل ہوئے، جبکہ ان کی والدہ کینیا میں ایک جنوبی ایشیائی فیملی میں پیدا ہوئیں۔
حمزہ یوسف کی ہمشیرہ، کھاریاں سے تعلق رکھنے والے صغیر احمد (گلاسگو) کی بہو ہیں. صغیر احمد، کوثر پرویز (کمانڈر پی کیو آر) کے بھائی اور یاسر نذیر (شوارما کنگ) کے چچا ہیں.