پاکستانی نژاد امریکی فوزیہ جنجوعہ نیوج
کے ٹاؤن ماؤنٹ لارل کی مئیر منتخب
——
فوزیہ جنجوعہ کے والدین 70ء کی
——
دہائی میں پاکستان کے شہر چکوال سے
——
امریکہ منتقل ہوئے تھے۔
نیویارک (طاہرمحمود چوہدری سے)
امریکی ریاست نیو جرسی کے ٹاؤن مونٹ لارل میں تاریخ رقم. پہلی بار پاکستانی نژاد فوزیہ جنجوعہ امریکی ریاست نیوجرسی کے ٹاؤن ماؤنٹ لارل کی مئیر منتخب ہو گئیں. فوزیہ جنجوعہ ماؤنٹ لارل ٹاؤن شپ، نیو جرسی کی تاریخ میں منتخب ہونیوالی پہلی پاکستانی، مسلمان اور ساؤتھ ایشئن خاتون مئیر ہیں.
مونٹ لارل ٹاؤن شپ ہال میں ہوئی ایک تقریب میں نیوجرسی سٹیٹ کی خاتون ممبر اسمبلی و امیدوار برائے کانگریس کیرول مرفی نے فوزیہ جنجوعہ سے ان کے عہدے کا حلف لیا. حلف برداری کی تقریب میں فوزیہ جنجوعہ کے والدین ،شوہر اور انکے چاروں بچے بھی موجودد تھے.
امریکہ میں مقیم پاکستانی کمیونٹی نے فوزیہ جنجوعہ کو مئیر منتخب ہونے پر مبارکباد دیتے ہوئے ان کی کامیابی کے لئے نیک تمناؤں کا اظہار کیا ہے. میئر کا حلف اٹھانے کے بعد فوزیہ جنجوعہ کا کہنا تھا کہ مونٹ لارل ٹاؤن شپ کی مئیر منتخب ہونا ان کے لئے بڑے اعزاز کی بات ہے. وہ ٹاؤن شپ کے عوام کی فلاح و بہبود اور ترقی کے لئے اپنا ہر ممکن کردار ادا کریں گی. واضح رہے کہ فوزیہ جنجوعہ کے والدین 70ء کی دہائی میں پاکستان کے شہر چکوال سے امریکہ منتقل ہوئے تھے۔
ریاست نیو جرسی کے شمال میں واقع مونٹ لارل ٹاؤن شپ نیو جرسی کی کاؤنٹی برلنگٹن
کا حصہ ہے. 2020 ء کی مردم شماری کے مطابق مونٹ لارل ٹاؤن شپ کی آبادی 44 ہزار سے زائد ہے. جس میں 87 فیصد سفید فام، 7 فیصد افریقی امریکن، 3.8 فیصد ایشیائی اور 2.4 فیصد لاطینی/سپینش و دیگر قومیتں آباد ہیں.
